大英之古代奧林匹克展

自8月初開始展出，過多兩個星期就收檔；襯放假約埋阿丁入沙田既香港文化博物館參觀。
由沙田火車站出黎，穿過新城市廣場，步行10分鐘左右即到。
以為閒日應該清清靜靜，估唔到都有唔少學校師生參觀。有班小朋友個個披塊白絹布扮古希臘人，跟隨同樣以古希臘打扮既外籍講解員，甚可愛。但最最殺風景係另一班香港中學生，由個圓面中女Miss帶領；個婆娘大大聲講解，聲音響徹整個場館。身為教師，都唔懂得乜野叫公德心，響博物館製造噪音。












展覽個Hall唔算好大，但都有數十件大理石雕塑，古代羅馬風陶器等。無上次文化中心既大英珍寶展咁多variety，但比想像中好架啦。

一場黎到，順便殺埋隔離既珠寶展，同樓上既粵劇展。