鮮茄通大比拼

亦都係連續兩日，響唔同地方食鮮茄通做晏。

尋日：
約左Annie同佢同事，到附近利園西街新開既瑞士咖啡室食個抵食營養餐($34)












蕃茄湯通粉
鹹牛肉三文治
雞蛋鮮果沙律
樽裝維記鮮奶

味道雖然唔算特出，但份量十足，勁飽肚。餐廳樓底頗高，空間感夠，所以坐得舒服。

今日：
同YY預早飛的去歌賦街九記牛腩對面，阿蘇近日都介紹過既勝香園大排檔。呢度有名既係鮮茄牛通($22)，加埋阿蘇介紹既"檸檬蜜糖豬豬"(即烘香脆豬仔飽)($8)，同埋"Pre-篤"左既鹹檸七($12)。









輪味道，呢度確實優勝；茄湯味較濃，脆豬雖然略嫌的式，但真係好鬼鬆脆。但lunch hour人多到嚇親，我地連食物都未上，身後已經有唔少OL及西裝友團團圍住等位。更惡頂既係，上菜極慢，大排檔要等20分鐘食物簡直離晒譜，連叫埋單都要差不多凶d阿姐先收錢；真係唔憂做。