淺草：雷門寺

其實黎過三數次，會撩起條筋再黎係因為早前睇過日劇"安藤奈津"，全劇都係以淺草為背景；反正Jeffrey都無黎過，schedule左個上晝過黎逛一逛。

臨近日本過新年，寺前攤檔通道上，都掛上紅白波波，增加過年氣氛。

我地到得比較早，遊人未算逼爆。攤檔賣既大多數係紀念品，和風絹布做既手帕小袋袋等；竟然發現有"爆粗Band友"面具，如果唔係索價數百港元，真係心思思想買黎"看門口"。

橫街有幾座頗有江戶味道既建築，雖然明顯地翻新過，但都好襯呢個咁傳統老區既環境。