懷舊魚翅灌湯餃

哇，幾多年無食過呢款真正湯汁響餃皮入面既舊式灌湯餃呀；家陣既都係一盅湯上，內有餃皮漂流唔知想點。「益新」亦有呢款舊式灌湯餃，但跑馬地唔就腳，寧願lunch黎北角渣華道既「鳳城酒家」食。

本來另一個target大包，黎到先知要預早兩日訂；巴閉，我下次打電話落黎先預留。

Debbie同YY極力推薦肥大"爽脆豬生腸"，果然唔似平時燒臘舖既"電話線"；人生第一次食，味道有d似隔離既"舟山海蜇"。

"上湯炸粉果"非常脆口，"古法馬拉糕"亦香軟。另外既蝦米煎腸粉，蛋黃蓮蓉包，巨大"懷舊糯米雞"，百花釀魚肚等等都唔差。下次電話預訂，要試埋手工菜"順德釀鯪魚"同"龍穿鳳翼"先。