抵食打冷Menu
12月份有三位壽星：Daisy，Moly同Charlotte。

經探子Annie報料，話家陣銅鑼灣信和中心「潮樓」做緊海嘯價打冷menu，除左個特價$18清湯雞燉翅外，其他全單6折。

坐位就非常逼，樓面侍應勁少，所以service可以話係近乎全自助式：包括要自己收走d碗，同自己去班餐牌。
個雞燉翅面頭勁多雞油，內有碎翅幾梳，$18值唔值就見人見智。其他喪點喪食，埋單$800有找，食飽11條女，都咪話唔抵：潮汕梅羔骨，欖菜肉鬆四季豆，潮式蠔仔粥一窩，半煎煮竹仔魚，火腿龍鳳球，凍大眼魚，鹵水拼盤，汾酒牛蹍，荵油海蜇，潮式煎蠔烙，大豆芽煮豆卜，方魚炒芥蘭，糖醋兩面黃，反沙芋件。
但環境逼硤，service麻麻就真係有d趕客。