Google請食泰菜

卡生經長達兩年既努力，收到Google Adsense既第二張美金支票；所以呢餐既要多謝卡生，亦要多謝Google。

約左佢同Amy去銅鑼灣「泰簡單」；天寒地凍都揀露天位置，當然要就煙民們方便啦。好彩有密集式既fire posts，人就唔覺好凍，但上既菜點都會快涼。

呢度既好處係碟頭大，開酒價錢合理：咖哩銀鱈魚，蒜片椰菜苗，乾撈粉絲南乳汁；甜品選擇唔多，只係叫左椰青糕，西米糕同糯米糕。

卡生即場show佢部印度品牌迷你notebook上網，示範click廣告竅門；哈哈，佢咁好心機，兩張支票真係實至名歸啦。