中央大街

下午往市中心"中央大街"有數小時自由活動時間。

呢條頗歐洲風既百年老街，應該係受俄羅斯文化所影響吧；比起上海既南京西街更有特色。

街頭一樣隨處可見小型冰雕，不過路面不時有雲石圖案，頗跣腳，平時健步如飛既我，只能以龜速慢行。

兩旁有數間手信店，都係賣俄國產品為主：手塗木造大包小俄國公仔，魚子醬，哈爾濱紅腸，俄國朱古力......最頂引係好似頭咁大既俄羅斯"大列巴"麵包，用個束口布袋裝住，雖然頗具特色，但係難於攜帶，所以無買到。

經過一兩間百貨商場，雖然無上海既咁fancy，但唔算土。

入夜後華燈初上，如果唔係見招牌既中文字，真係會以為自己置身歐洲。