公路廁所新體驗

幸好呢個係轉述余經理同Kerry既所見所聞，"有幸"唔係自己第一身感受。

由亞布力返回哈爾濱既數小時車程中，當然會安排中途break一break，比我地落去放低兩両。奶奶一早講過當地廁所臭到要帶白花油，所以我先dehydrate左自己，免得過都唔落車。

余經理：哇，返去講比老婆聽都嚇親佢。個廁隔又窄又跣，地下周圍d小便都結埋黃色既冰。差錯腳都唔知點算。

Kerry：女廁兩格連門都無，大家望住我除褲痞低；我唯有催眠自己當佢地唔存在。最攪笑係出黎d尿，係有蒸氣架。有個大陸同事，響隔離痞好耐都屙唔出，應該係克服唔到咁多人望住。

連旁邊既Johnny都加多咀：我見有個男同事費事排隊，響外面就地解決。點知一屙完就跣腳，跌返落自己剛屙既尿上面。

聽就好笑，可惜余經理無即時拿手機出黎拍低d尿冰比我po.....