閃耀晚會

一如以往，開完整日會後，都有個又長又無聊既晚會。

既然今年既主題係"精彩09，因你閃耀"，入場前每人派發個bling bling星型Wyeth字樣胸針。坐位上更有牛角一對，實行未過年先黎個滿場"牛氣衝天"。

東北菜無乜好食，大部份菜學奶奶話齋：都係涼既。而且往後幾日都係碟碟熟口熟面，哈爾濱特色紅腸都食足咁多日。

香港隊今年連表演都唔駛，皇恩浩蕩；其他同事表演項目都較往年簡單，無d賣肉花巧令人O咀既場面。

幾十份抽獎我地香港隊都叫有點運，Debbie中電動牙擦，Michael都有External Hard Disk。睇完抽左二獎我地班女先閃，好衰唔衰竟然係我中頭獎!!!余經理嘗試代我上台領獎，但不在現場就取消資格，所以同部價值二萬既Canon相機擦身而過.......哎，唔係你既就唔係你，不過余經理好似比我更激動，哈哈。