狗褓母的生涯

梁師奶呢個週末忙到出煙，尋日同d教友出HK Regal食buffet(佢竟然話好食，可想而知只要有教友相伴，就無乜要求)，今晚甚至做"長者團年晚宴"既攪手......

所以今個週末，被困將軍澳，再一次充當狗褓母。

連續兩個下午，響西貢同烏烏都被熟人認出：尋日係Yvonne既細佬阿Pete同班朋友踩爬山單車，今日係Martha一家，帶阿大公子出黎大唱親子樂。

將軍澳真係低過北角好幾度，我同阿烏瑟縮響梳化度，對住個暖風既喪吹，佢好乖地陪我讀左幾個小時Eclipse，不旺我呢個家姐做阿四咁黎服侍佢。