1月生日加餞行

阿丁同Annie都係1月既魔蠍座，加上Annie下星期就正式"移民"上海升官發財，所以呢餐廖太聚會具備雙重意義。

雖然百德新街「鳳城酒家」唔係原裝老舖，但基於地點比北角店就腳，所以捨舊取新。

8人套餐$1080包羅大部份招牌菜，加多$68轉埋個焗西米布甸，9條女都食得飽。

雞燉翅唔欺場，個炸子雞更加係有口皆卑，皮脆肉嫩。個人覺得個鳳城炒飯都唔曳，粒粒炒得分開，唔會黐埋一餅。

西米布甸唔算甜(雖然Annie Lam一定唔認同)，不過人少真係攪唔掂。

雖然當中竹笙同草菇都帶少少酸味，但反映後部長即時夾幾舊入廚房試，出黎道歉之餘再送左碟椰汁芒果糕，服務態度算係咁架啦。