神探伽俐略 (Suspect X)

假期睇既另一部電影，就係期待左個多月既"神探伽俐略"電影版。

抱住會比電視劇更精彩既期望，同Charlotte及Shirley 27號晚去UA時代廣場睇11:30pm，但真係大失所望。

基本上福山雅治好似變身大配角，柴咲幸只係閃左一個鏡頭咁大把；連電視劇中用刁鑽物理黎推拷犯案手法都欠奉，無啦啦唔駛查證就比佢估到晒凶手同行凶方法。

套戲真正既主角，係凶手松雪泰子同幫凶堤真一；加上節奏頗慢，真係要有好強勁既意志，先唔會響戲院訓著。