香港名物之除夕Tea？

大除夕，拉Debbie，Shirley & Charlotte陪我睇多次"Twilight"後，帶左次日就上機返加拿大既Shirley往中環搵食。

要諗d多倫多好難食到既，都唔係易事；所以玩大d，再去「勝新園」大排檔試齊：鮮茄牛肉湯通加煎蛋香腸，檸檬蜜糖脆脆，同鹹檸七。好肯定Shirley應該從未試過痞街邊食呢d野。

可能係31號好多人都早放既關係，下午兩點多都一樣人頭湧湧；等位半粒鐘，坐低等食物都廿分鐘，第一淡通粉落肚都三點多，餓起上黎乜都特別好味架啦。

之後再過隔兩條街既另一出名茶餐廳「蘭芳園」(去左隔離新舖)，一心諗住試佢既"名物"：凍絲絨奶茶配奶茶冰；可惜午市過後，奶茶冰售罄，唯有普通冰都照殺，絲襪奶茶照隊。甚少飲奶茶既我，是否比外面好飲就真係唔知，總覺同咖啡香味無得比。

因為有"$20最低消費"既關係，所以再叫多份"熱辣辣厚切豬扒包"黎share；豬扒確實幾juicy，但個包唔夠香口，尤其是當我地剛食完檸檬蜜糖脆脆之後。