寧靜平安夜

終於都論到我呢個聖誕假期既po。

平安夜，約左卡生同Amy去灣仔「譚魚頭」打邊爐；呢d日子，最唔應該就係食西餐比人掠。我地7:30pm入座，可能灣仔既無燈飾又無倒數，所以唔覺特別多人。

兩位都係第一次黎，嚐慣濃味既卡生就嫌個花雕醉雞鍋太淡口，反而Amy就頗欣賞新鮮食料。

話就話9:30pm要交枱，但實在無乜人響留下等位，所以過左時間都無迫我地埋單。

既然時間尚早，食到飽飽慢步行過星街既「囍宴‧甜藝」食甜品。呢度比下面莊士敦道更加寧靜，餐廳10:30pm亦差不多last order，所以拿拿臨點左桂花酒釀荔枝雪糕，沖繩黑糖白玉子，同豆腐紅豆布丁。