鎖於Office外

返工時於公司樓下收到Debbie電話：我地division個辦公室木門反鎖左，又無人有鎖匙呀!!

邏輯上即時反應：打電話搵開鎖佬啦。(但早上8點幾邊度搵呢？)

剷個鎖佬起床趕過黎，都要成粒鐘；整個division唯有落樓下12樓西藥部借個房黎痞一痞。

結果10點個救星唔駛5分鐘就換左把鎖喇。其實呢d木門鎖應該唔難開，我見過HK Int. School d竹星仔用兩隻萬字夾攪掂，而且好似頗多鬼仔都識得呢門秘技。

真係一技旁身，收用一生。

有無人識可以傳受比小弟呢？