那書卻在燈光闌珊處

自從上個週末發力喪追第二本"New Moon"，3日內讀晒之後，因為第三本"Eclipse"一直未有貨，失落之餘日日高唱"等了又等".......另一後遺症係成日留意有無missed call，生怕開益打黎而我又收唔到。

Ebby雖然有齊4本，讀緊第二本既佢，好有義氣地自願借Eclipse比我睇先，但借人地書加上佢自己都追住我步伐睇，實在好有壓力。

好彩下午老好Ebby來電，竟然響銅鑼灣HMV發現碩果僅存一本Eclipse!!!當然幫我留起晚上第一時間撲出去將佢捧回家。

真係諗都無諗過會響HMV搵到呢本盼了又盼既書。

再次陷入埋頭苦讀中，希望出發去哈爾濱前可以擺平，帶住第四本結局篇長征。