"精彩09，因你閃耀"年會

長途跋涉去到滑雪場，玩係次要，先要開一整天會。

因為ski resort個function room唔算好大，所以400人坐得有點逼。不過今年唔駛我企出去用國語present，又可以同自己條team坐，輕鬆好多。

三舅父同Ivan先各自黎個10分鐘開場白，接住其他大區逐個代表上黎發偉論既時間，大可以不時釣釣魚，黎個元神出竅。

Group photo玩得大到出滑雪場戶外拍，大家先響室內分組站好，一隊隊出去圍成個大星星型，對住雪丘上既攝影機黎個苦笑，十數分鐘內大家立刻鳥獸散。

以為咁就係challenging？未算。下午既buffet lunch，幾白人圍住一卓搶食，雖然都叫做大排長龍，但內地同胞既"打尖"美德，發揮得淋漓盡致；Kerry真係試過拿住隻吉碟返黎搶唔到食，哎.....好彩三舅父見我地香港隊既慘況，立刻下令之後所有餐都變set meals。