笑笑

尋晚買完Montbell後，同細佬及Sharon到附近瓊華中心11/F「笑笑」日式居酒屋醫肚。

呢間野日本都有見過，諗住質數應該有d保證，不過實在碟頭太細，而且味道只可以話普通：

古法泡製鰻魚蛋卷，香脆炸枝豆，炸明太子芝士雲吞，鹽燒響螺至串，汁燒帆立貝至串，燒北海鳳魚(其實睇日文應該係花魚，佢有無譯錯呀？)，北海道牛油粟米，日本傳統牛肉鍋，再加多一大枝900ml燒酎。

細佬明顯地遺傳左梁師奶既杞人憂天，為份工比自己甚大壓力，兩姐弟兩杯落肚，摸住酒杯底奉勸佢份工都只係生活一部份，人生有其他既priorities，又唔係有家庭負擔，無必要為左五斗米攪都自己血壓其高。當然，佢咁大個人，識唔識退一步諗，就真係睇自己造化喇。