太陽島雪博會

到達哈爾濱既第二日，整天都係觀光行程，亦係曝露響室外最長時間，最凍既一日；所以我地都將帶黎最厚既衣物同暖包大晒冷，個個著到隻粽一樣，手套兩對雪鞋帽子包到坎。

一入場先過條大橋，經過結晒冰既松花江。

初頭既雪雕唔算十分大，但越往內行就越大型，甚至有d建築做到幾層樓高。我地響滑雪場嘗試砌雪人失敗時，都知道雪太鬆散好難砌，可想而知要做到咁大，難度有幾高。

連我至愛，充滿歌德式死亡意味既都有。

不過狗拉雪橇我就唔會坐喇。

雪之鳥巢？？

雖然冷空氣著實好凍，但好彩無乜風，只要包住口鼻就OK。反而擔心部相機會響咁凍既天氣走電特快，所以每張相都要速戰速決。

靚相實在太多，只可以po少少精選上黎。如有興趣睇個full album，請往facebook或右邊msn album條link"My Photo Album"度睇。