三舅父的牛年首要任務

放完年假第一日全team返齊，身在香港既三舅父就殺上黎比個簡單既收購briefing我地；雖然要知既野大家都響 http://www.wyeth.com/ 呢個網站一目了然，亦唔期望咁快會有乜野新進展聽，但佢自己修假中仍抽空上黎"勉勵一番"，都叫做誠意可嘉。

Hong Kong team已經叫做比較穩定，大部份人都起碼做左5年以上，一日未"派彩"，無人會咁戇居貿貿然自己搵工。我同余經理sit-in大陸同事個telecon，先發覺佢地要顧及既野，複雜得多：內地呢兩年staff turnover勁高，大部份同事年資有限，所以一有乜野風吹草動，大家都會搵工跳槽。人材既流失，請人填補空缺既難度，老板到底要否到各個大區辦事處安撫既利與弊，用乜野角度去安定軍心等.....旁聽都替佢覺得一個頭兩個大。

Telecon之後，跟手要同上海office黎個video-conference，先有閒同我地落樓下彩雲軒食個簡短開年飯。