又話市道差？

由屯門出返銅鑼灣，無巴士又等唔到小巴，唯有打的去西鐵站，西鐵轉地鐵....出到去都2:30am，真係難為剛由巴黎出trip返港既Annie Chan同Charlotte兩個喪等我地。

人人都話經濟唔好市道差，但凌晨既維園花市比往年更水洩不通。乾貨攤位基本上都係中間比人推住行，我地幾個要互相拉住先唔會走散；根本甚難逼埋去睇。一條aisle都行左45分鐘，所以無心機再去被逼，改去旁邊花檔陪佢地買年花。

年花雖然比去年貴(好似細盤蘭花去年$100/5棵，今年$100/2棵)，但仍然好多花舖已經被掃清收左檔。每年例牌要買棵桃花返去既Annie Lam，得返3幾間桃花檔仍開，甚少選擇既情況下，都要將貨就價。大家收獲唔多，因為其他花都係一副殘花敗柳相。

仍然係老習慣，大伙兒到澳門茶餐廳食埋個早餐先打道回府；踏入家門都5:40am.....