壓軸：冰雪大世界

聞說係全個trip最凍既項目，所以我地將所有最厚暖既衣物，暖包黎個大晒冷。結果並無想像中凍，唔及早上既太陽島。

因為餐把鬼俄國大餐拖遲左，結果只係得一個小時參觀；但整個冰雪大世界面積唔係想像中大，只係冰雕本身非常龐大，所以大部份都係遠影，時間勉強足夠。

奶奶已經warn過我，寒冷天氣下，相機鋰電走得勁快，所以都費事影人像(反正都包到陷)；每張相都係速戰速決下連環快拍，然後立刻將部相機攝返入有暖包既內袋度。佢暖唔暖，比我自身夠唔夠暖更重要。

每年冰雕既主題都唔同，今年係世界各地既地標建築，西方味比中國味濃厚。日本既寺廟，歐洲既城堡，中國佛塔故宮.......見到相中路人既身影，就知佢地有幾龐大。雖然個人比較喜歡早上既雪雕，因為比較細膩，但每塊冰都唔係野少，建個冰雕建築既難度可想而知，breathtaking。

場內有巨型冰滑梯，及溜冰雪橇供遊人玩樂。另外有騾車可坐，駱駝同全白色毛，但表情猙獰既"雪山飛狐"比人拍照。

雖然呢次哈爾濱之行，大家要另外置好多野，但我都覺得確實值得去。相簿facebook同右邊"My Photo Album"會較齊。