牛年的第一件大事：變相轉工

上星期五華爾街日報已經開始傳，年初一晚美國公佈：Pfizer以US$68Billion(即五千多億港元)吞併惠氏。

大約第三季尾就會完成所有程序，亦即係話如果我地咁"不幸"無被裁員既話，就會變成由全球第一大藥廠既員工。

以Pfizer過往既慣例，但反吞併後裁員，都以每年年資賠1.5months；亦即係話，年底打左14年惠氏工既我，就會有21個月糧呢個超級肥雞餐袋袋平安，雖然未至於天文數字，但多過我兩腳一伸既人壽保險賠償額呀。

Pfizer強既係西藥，奶粉同OTC就唔及我地，所以我地兩個divisions都未必會有大影響。唯獨是要適應佢地出晒名既難頂culture就要有心理準備。不過有危先有機，there are always 2 sides of a coin.....

當務之急，係同余經理及Sinmei商議，到底幾時高價甩手公司派發既Wyeth實股同Stock Options先撈一筆。