毫無新意晚宴一：新天地采蝶軒

連我唔係住上海既都黎過不下三兩次，而且聞說呢間係"阿爺"David既favorite，所以上海同事只係唔想take risk，食到幾悶都唔轉場。

話雖如此，上海既采蝶軒，又確實比香港好食好多；味味都頗有水準。

哈哈，可憐余經理被安排坐"阿爺"隔離，對佢黎講既大壓力又拘緊，幾美味都食不下嚥啦。

同大陸同事食飯，續個同老細敬酒就預左喇；"阿爺"下令"我要乾杯，就大家都要陪我乾杯!!"，要命，佢被隊幾多，我地個個都要飲咁多......如果法國人見到佢地釀製既紅酒被咁浪費法，一定反白眼，簡直有點暴斂天物。

雖然由古老大宅門改建既新天地頗具特色，但黎過多次真係興趣缺缺；唔通同余經理兩條友去續灘啤一啤咩？我怕佢繼續同我討論promotion或key chain discount，有礙消化，都係早早打道回飯店好過。