未開工，先訪友

差不多成年都無去上海，襯住今個星期上去開2日會，到步先偷少少時間探一探變身上海人既Annie。

佢既肥仔司機去機場接左我同余經理後，先車我地去浦東既Roche office接埋"老板"，就到附近新開既漢家食所謂既"特式料理"：

美極黑木耳，冰沙花雕雞，荷香茶樹菇蒸豬頸肉，糟溜黃魚卷，干鍋生炒娃娃菜，金絲檸香蝦球，蟹粉小籠湯包，楊州炒飯，碗豆祿，同埋頗攪野，用飲筒插入煎堆中吸既酒釀麻糰。

對余經理黎講可能偏辣，但我覺得味道唔錯，只係有點肥膩。

餐廳地方頗大，而且裝修新派上海菜feel；但晚市唔旺場，只得小貓三幾桌。

雖然無見Annie唔係好耐，但一場黎到，佢又剛好無出差，等佢沉悶煩重既工作中比個藉口自己早收工出黎見朋友啦，哈哈。