富貴(乞兒)雞

奶奶有$300 Coupon月底到期，所以廖太們再拉大隊到「綠揚邨」飯聚。









曾經試過八寶鴨，好食但皮下脂肪好肥；所以今次預訂左無咁漏既另一功夫菜：富貴雞($320)。
端上黎成個硬泥殼，比我揮鎚仔敲碎後，露出荷葉內膽；裡面既雞，雖然體積唔大，但內裡既香菇醬菜，醃得雞肉鹹淡適中。唯獨係碎骨太多，有如被九陰白骨爪打過般，一個唔留神好易啃骨。
另外叫既，都係質數高，但價錢成正比既菜式：脆皮素鵝($70)，水晶餚肉($70)，荵油海蜇($70)，豆板莧菜($93)，乾燒四季豆($120)，原條桂花魚($380)，蝦子三鮮炒粉皮($162)，家常豆腐($105)，梅菜包10隻($80)。

雖然甜品高力豆沙係送既，但今時今日既經濟，茶都$12位有點誇。

另：多謝奶奶同Connie既手信！！