韓國花樣男子

聽Annie"激烈推介"幾個月，叫我online睇就無心機追，當地剛剛播完大結局，整套DVD打包返去慢慢煲。

日劇真人版都拍過兩次，卡通版，聲音版(木村托哉當年係花澤類....把聲)，台灣版，韓版.....個故事相信所有流星花園迷都應該滾瓜爛熟，但就似乎百看不厭(有無膽量睇即將開拍既內地版就另計別論)。

韓版最唔慣既係主角改晒韓國名：道明寺係"具俊表"，花澤類係"尹智厚"，杉菜係"金絲草"。撇開裡面韓國化既元素，故事大致都算跟原著。

韓版F4當中，五官最靚都係演道明寺既李民鎬，笑起上黎有當年言生既影子，更加似高大版既馮德倫。Annie由中韓版道明寺毒，中段變節投向韓版西門，真係有點難明。

但韓版花澤類就被仔仔比下去，造型太似後生版既裴勇俊，可能會合Connie口味。

杉菜係一個敗筆，少女味欠奉，師奶味太重；大姐，要演高中生，整個師奶頭想點？

整套劇比想像中好，大場面比日劇更落本，29集只係去到一半......aza aza fighting!!!