破晒戒

身為天主教徒既我，今日受難節本應要守齋，但自朝早唔醒起食左個Starbucks Cornbeef in Panini後，下午約Annie去尖沙咀食晏再衰埋入鼎泰豐.....一場去到無理由唔食小籠包架嘛，死就死，大不了聽日補番早午兩餐戒肉，有拖無欠。

話就話新港中心呢間係真正台灣分店，舖面非常大，所以walk-in唔駛等位。

兩條女點左一客小籠包，醉雞，同紅燒牛肉麵(真係碟碟肉，哈哈)。小籠包同牛肉麵只屬一般，碟醉雞就唔多掂，肉鞋口又唔入味，同台北食既水準相差甚遠。