海港城"花見"

真係無諗過，唔去日本都有得"花見"。

Annie好興奮地約我去海港城賞櫻，聞說運左60多株過黎，只有廿幾株出得黎見人。

因為商場擺放得疏疏落落，三兩株既小型櫻花樹，唔覺震撼，圍觀人群爭相舉機，連賞櫻既清雅感都欠奉。

其實將櫻樹用盆栽黎種，開花過後海港城都唔知會點處置佢地，此舉甚唔環保。Annie則因為櫻花展規模比想像中小，頻呼失望；但室內賞櫻，邊度有日本幾千株盛放既感覺呢，將貨就價吧。