囍宴‧東丰

裝修左超耐，公司樓下之前7-Eleven既舖位，近期開左間Jacky Yu既囍宴新店。

大家都係新屎坑，所以日日大排長龍。我地四條女亦都係本住新鮮感，試個set lunch水準如何。

唔掂。大都淡而無味。

Set lunch配青瓜海蜇小食，及熱飲(杭菊蜜)：

招牌擔擔麵($62) - 望落去都幾"非一般"，問Pauline味道如何，佢一個囧樣已經表達晒

沙爹蘿蔔蚊牛肋骨配芝麻白飯($66)-芝麻欠奉，飯亦超硬，連我喜歡食硬飯既，都怕會食到胃痛

秘製鎮江骨配芝麻白飯($76) - 唯一比較夠味既一道菜，如果連呢味都淡，就真係經典囉

唔好話set lunch，就算Debbie散點既煙薰鴨胸拉麵($58)，淡得黎麵質亦稔，水準以下之作。

囍宴真係越來越差，好心Jacky就唔好掛住上鏡，落多d心機去改善味道啦，否則壞自己招牌。