最後生既Auditor

上星期五惠氏響英國飛個auditor過黎，幫裕利warehouse做個久違三年既Global Compliance Audit。

初初見過名叫Sezer Aksoyak, 都知佢唔係英裔，真係比我估中佢係土耳其人。但估唔到既係，佢竟然係個女既，而且仲要係好少見既後生auditor。

Quality同事Calvin好抵得諗地幫手負責酒店warehouse接送，5pm我趕返去放狗期間，佢亦都響尖沙咀閒蕩3小時，等我攪掂個皇帝烏再出黎盡地主之誼，約個auditor去Sheraton酒店附近既「滬江」食飯。

北京道滬江無時代廣場既咁闊落，而且噪吵程度同美式餐廳有得比。3個人可以叫既有限，加上auditor既土耳其背景唔食豬，更加將點菜範圍大大收窄：醉雞，宮保雞丁，原條松子桂魚，手工菜豆腐餃子，煎素餃，同埋Calvin哥點名要留肚食既拔絲香蕉。

鬼婆喜歡味濃，所以甜酸俱備既松子魚最岩胃口。雖然打後兩日佢都會四出遊覽，但我有"重任"在家，困身非常，實在唔能夠offer帶佢遊山玩水囉。