食券速食店：
「康龍拉麵」及「えん高湯茶漬飯」

日本唔少食市，為左節省時間及人手，都流行自助食券機。買票後交比counter，然後自己搵位坐，食完唔駛埋單即閃，快捷方便，乾淨俐落。

秋葉原一個上午，就先後食左兩間食券速食店。

康龍拉麵












點既係招牌拉麵(800 yen)，特別在每人派張自選表格，可以選擇麵既硬度，湯底濃度，油同博多長荵既多少，有無叉燒等，另有8款topping可以自選4款添加；非常tailor-made的一碗拉麵!!









湯底非常濃，唔會比藏太鼓遜色。Counter前更有可投入100yen/200yen外加多半隻/一隻蛋既設施，懶係自己落手落腳過癮d。












えん高湯茶漬飯












位於車站旁的新型食市Complex中，專賣日本家常宵夜熱門既茶漬飯。呢間連鎖店其實之前北海道機場都有食過，清淡得黎唔太淡口。今次選既係鯛魚茶漬飯(900 yen)，係用半熟鯛魚刺身加三款nuts同自家製胡麻既高湯茶漬飯，非常鮮味。

點解一朝可以隊兩個正餐咁利害？都係嗰句：叔叔有練過架，小朋友唔好隨便亂學。