探監

入營做左整整一個月的狗奴才，終於等到梁師奶今日提前返黎。

因為budget time唔能夠告太多假，所以差不多日日中午都要自己咬個包趕返去餵個皇帝仔。

早晚兩餐dog-walk更加唔少得，好彩呢排利用左佢架私家車，所以未算太辛苦。買左游水月票，差不多日日抽時間跳落水黎個45分鐘蛙式都幾爽，只係壯烈犧牲左把頭髮(真係嚴重考慮剪短左佢一了百了)。

多謝各方好友相約入黎探我監：阿二同Charlotte, YY & Ophelia，林氏一家。雖然樓下商場都係食"Match Too Cafe"同「客家好棧」，但全靠你地入黎，我先至有一餐半餐唔駛挨麵包。

今晚終於都可以返自己屋企喇。