跳舞鮑魚

土到爆的瑞鳳，連晚餐地點都似時光倒流幾十年前。

晚餐buffet主題係北海道Fair，海鮮都唔少，但就無大觀莊咁精緻。我地預訂既buffet set，每人有一隻"跳舞鮑魚"；即新鮮鮑魚放於網上即燒，睇住佢點樣痛苦掙扎扭曲至死，真係未食先有點倒胃口。雖然煮熟後塗上牛油及灑上檸檬汁確實鮮味彈牙，但呢種食法真係可免則免喇。

甜品有綠茶紅豆卷同埋抹茶麻薯；甚至有自助軟雪糕機，但要唧得靚真係有d技巧，Jeffrey就攪到收唔到科，機底留低兩大"篤"蘇州雪糕屎比人清理。

雖然"古色古香"，但第二朝既早餐一樣份量十足。好耐都無試過朝朝食飯加溫泉蛋，減肥都係留番返香港再算。