飛輪海簽票會

此行既最大目的，就係到華納威秀參加呢個function；上台黎個近距離接觸飛輪海。

台灣呢類偶像活動，比香港有秩序同埋著數在工作人員客客氣氣，唔會好似香港咁野都未講到句就又拉又扯。

活動場地距離酒店只隔一個街口，非常方便。10am到達排隊，yahoo天氣真係好唔準，話有thunderstorm，結果係一個陽光普照無風既悶熱天；11am開始派籌，我地排到轉晒彎拿既係"932號"，估計當日有1500粉絲左右。

今次演唱會飛，多得Charlotte既台灣朋友阿佩，位置係側台第一排呢，希望係一個握手位。阿佩老遠由淡水帶埋兩歲既女出黎見吳尊，難得小妹妹酷熱天氣下等大半日都無扭計，果然有做粉絲既潛質。

拿到籌，到隔離新光三越B2 Food Court先醫肚，追星真係要有氣有力。

洪芋頭擔仔麵(度小月主理)

輕食套餐(NT150)：擔仔麵/皮蛋豆腐/涼拌露筍/燙青菜

庄頭豆花

白豆花拼粉圓薏仁(NT45)

活動下午2pm開始，因為我地既籌排得後，為免睇唔到開場，走上二樓霸定欄杆位望落去重有So；雖然列日當空，好彩二樓欄邊有噴水霧降溫，否則中暑都有之。

四子穿著白tee，大東就多加左件黑皮背心；依然係新剪既bob留海。吳尊即全程帶住帽，有點遮住個帥臉。近排整個台灣都係為８８風災籌款，當然活動一開始都係先做呼籲，同埋各手拿住"台灣加油"字牌。

因為手上有籌，所以未輪到時大可附近先坐下，或買買飲料放放水，其實唔算辛苦。

差不多到五點多先開始埋位整隊，六點多任務完成。雖然上台既時間不足一分鐘，但只要唔係太耐，都任講任握，還想點？阿佩個小女兒更係人見人逗，佢先係抽到飛飛最多水既一位！