第一次坐白車

從未坐過白車的我，今日都有機會見識過。

返工無耐，梁師奶就有氣無力地打黎話膝蓋忽然勁痛，完全行唔到。放低手上工作撲返去打三條9 call白車，無計，要靠救護員用輪椅送佢去將軍澳醫院急症室。

呢種非緊急類病人，響分流底下有排等；結果一等就兩個多小時。醫生話係膝蓋軟骨磨蝕，只係開左一星期NSAID止痛藥就打發我地。照埋X光，落樓下藥房拿藥，再上樓幫佢買枝助行架，出得醫院都3點多。

當然呢幾日走唔甩要幫佢放狗同照顧烏烏一日三餐，買埋飯盒麵包比佢先閃人。整日連午飯都無時間食。

累爆，聽日仲要7am去到放狗。

奶奶今晚的生日飯相，都係明晚先po吧。