連續兩日早場賀歲

新年期間連平時$35的早場票都漲價到$40。

初二及初三，連續兩日都睇左農曆年檔期心目中必睇之作：

波西傑克森：神火之賊

上星期買左原著小說，睇左1/3冊入場。小說感覺確實好有Harry Potter feel，不過電影就修改左好多。應死的無死到，個別配角甚至響電影版唔存在。如果唔係睇過小說(相信暫時香港應該唔多人讀過)既觀眾，試問有幾多人唔會睇到一頭霧水？唯一抵讚既係特技視覺效果好掂，希臘各神及Underworld都令人讚嘆。

錦衣衛

講真，唔係為左個帥帥既大漠判官吳吉尊，都唔會入場睇呢套中坑古裝打鬥片。整套戲場面盛大而且由頭打到尾，但吳尊出場也太少了吧，應該加埋連30分鐘都無；連徐子姍都比佢多。