三缺一

本來約左卡生同露姐夜少少出尖沙咀飲野兼晚飯。游完水後9pm到山林道/松山道交界，露姐友人開的酒吧先黎幾杯白酒。將近結婚既露姐瘦了，雖然剛做完個小手術，但氣息唔錯。不過忽然接到電話，話佢96歲的嫲嫲響伊院接近彌留階段，露姐本來仲諗住埋單等埋附近的親友開車去，被我同卡生催促出門口折的士。

結果三人聚會得返兩個，就近往轉角的「漢城韓國餐廳」食個宵夜韓國燒烤。

店舖細細裝修欠奉，但侍應同座上客都不乏韓國人。黎多樽甜甜的百歲酒，加個二人燒烤套餐，賣相就非常“平實”，但味道不俗；算係實而不華的發現。

後記：燒烤期間收到露姐短信，話只得佢同細佬都趕得及見到最後一面；見到就好。