無謂爭坳

晚上梁師奶同細舅父大吵，事沿學功夫的細舅父同d師兄弟講電話吹水時，談話間講到會上香....雖然細舅父都係天主教，但佢覺得呢d係武術界一d規矩，純粹係尊重別人宗教行為；但對梁師奶呢d偏執天主教徒，就係十惡不赦拜偶像行為。

私底下，我支持細舅父；如果我去佛教的靈堂鞠躬，我都唔介意上香，只係尊重的一種表示。每人都有宗教自由，話人地信佛係拜偶像的話，我地天主教對住聖母耶穌像祈禱，對其他宗教黎講，咪一樣係拜偶像？

當然呢d大家扯大喉嚨為d咁無聊既野大吵大鬧既時候，我無謂火上加油加把口。可憐烏烏嚇到以為係自己做錯野，唔敢睡。