二度為Tee而搭訕

下午大東的歌迷慶生會，攪的"8度海逸酒店"，原來就係極多大陸"購物團"會下車被迫買野既黑店隔離。2pm已經響酒店門外一大條長龍了，要300個粉絲響街外排隊，有點不人道；好彩不太曬和有點風，否則中暑都未見到汪大東。
就係著左呢件沙律送既MUA限量版閃石tee，因為有人投訴閃石會甩，大東話要全面回收再寄過件新既。
所以臨尾當我同佢影完大合照握埋手正想閃之際，竟然比佢叫住："eh，你的衣服......."，我馬上好cool地答："要回收，我知道"，哈哈。

麒麟臂，養眼噢。

裝可愛就有點吃不消了，如果對象係90後，應該會大喊"kawaii"
雖然拍完大合照後，因為怕屋企阿烏一隻狗待太久而早點離開，但摸了兩次手仔同再一次被大東為我身上既tee而搭訕，都值得囉。

多謝沙律阿二讓了個較前的位置比我。