P記版美女廚房

下午HR叫晒d managers出外攪off site meeting，破格地響銅鑼灣包左間樓上日本料理小平津，又要我地個個穿casual wear，話會有機會濕身同弄污衣服，真係唔知佢地葫蘆裡賣乜野藥。
店名令我以為頗地道，但上到去裝修好一般，無甚特色可言，有點失望；好彩食物味道唔差刺身亦新鮮。









所有managers分左A-F六組，頭三組早點到達，先食個set lunch：

南瓜沙律
刺身 (五款) (三文魚 油甘魚 甜蝦 帶子 立魚薄切)
碎toro 手卷
銀雪魚西京燒伴炒野菜
冷烏冬
甜品 : 豆腐雪糕









飯後briefing，開估喇，係大玩美女廚房；我地屬於採購組，每組比$200指定到Sogo超市買食材煮4道菜。講明要買全生食材，那裡大都係日本貨，每味$50真係有點難度。返到去全靠刀法如神既sales manager濤哥，有板有眼地切切琢琢，我地只響格離做個幫唔到手既助手。
煮唔到我地，係後3組利用我地準備好既食材發揮。我地就利用佢地煮既空檔被委派去買獎品，順便.......哈，閃去風月堂飲杯冰先返上去。









比賽後，老板娘準備左幾款自家製蛋糕招乎我地，賣相唔花巧，味道OK啦。
整個下午有何得著？當然係team work，及安慰獎：馬莎紅酒一枝!!(同埋早了點收工，哇哈哈)