關島遊：兩小時"精華遊"

5:30am一落機，agent交托接機的旅行社帶我地遊晒市內主要景點。之前先過隔離K-mart買食水；因為此地係硬水，水喉水煲了也不宜飲用喎。

第一站：Fort Santa Agueda，炮台就無乜野睇，只係望一望個海。

旁邊有個伯伯已經等緊我地買新鮮摘落黎既椰青，US$5一個真係好貴。飲罷比番個殼佢，會幫你起肉黎個兩食。加wasabi同豉油，真係聞所未聞；但又估唔到食落真係有刺身的口感。

第二站：Latte Stone Memorial Park，聞說全靠呢幾塊石，先印證關島人有過1000年歷史。

第三站：Plaza de Espana，一句講晒，爛屋無人保育。

旁邊的西班牙教堂，幾塊大型彩色玻璃，記載了耶穌出生，釘十字架，升天等。

最後一站：情人崖，呢度係小情人殉情跳崖既地方，但佢地為左死後不分離綁住頭髮一齊跳，有點恐怖。

返到酒店，都係9am；但兩小時就把重點的所謂"景點"遊了，之後那些free time幹嘛？