"太熱"國慶日

飛輪海揀國慶假期黎九龍灣Starhall為新專輯"太熱"攪簽名會；因為上星期排隊劃了位，所以唔駛太早到。
位置上出了點小風波，我們的AA行，雖然經Wow劃位，但secustar提早放了free sitting的入去坐滿了，結果要響原本的AA行前面硬加一排凳比我地坐。不過就算坐中間，4子一出場時大家企晒上凳再舉埋牌，真係被淹沒響燈牌中。好彩頂頭同兩旁有大電視直播佢地既表情。
3:30pm開場，as usual先唱了主打曲"太熱"，抽fans上台玩兩個低能遊戲，再唱多首"心疼你的心疼"，就開始簽名。
今次形式有點唔同，佢地先即場簽晒d簽名卡，然後才專心地一一握手。 身上穿既tee，再一次成為大東的話題；因為呢件係尋晚剛到手，補償麻煩我地拿水鑽tee去回收的特別設計"贈品"tee，大東見到我指住身上呢件"限量中的限量"，用半鹹淡廣東話對我講"只有你有啦"，並摸摸我右邊頭(小子，叔叔係你長輩噢)。








又係趕住返去溜狗，握罷即閃。