綠色邊爐

終於等到天氣轉冷，有點聖誕氣氛了。下午即時興起，約埋幾位廖太到皇室堡稻香黎個宵夜邊爐。

9pm後火鍋湯底差不多6折價錢，喪剔都唔肉赤。不過天氣忽然轉冷，特價邊爐都唔駛等位，生意真係明顯地差過之前好多。

自助醬料區，每位$8包埋任飲雪梨茶，酸梅湯，豆漿糖水；抵!!

因為大家近排都增了磅，兼年尾飯局不少，點的火鍋料比以往偏重蔬菜；湯底係蕃茄薯仔，5大盤西洋菜/娃娃菜/唐生菜/菠菜，真係少見的綠油油火鍋。

口口聲聲話怕肥既Annie，邊食邊頻頻暗示對呢個蔬菜鍋既不滿："食咁多菜會否中毒架？""真係未見過咁多菜既邊爐"......返到屋企馬上衝入廁所既佢，似乎心理因素多d吧，皆因d菜應該重響個胃度未落格!!