懷舊廣東菜

拜託同事幫Annie排到個快籌聽日見醫生，今晚特地拿張booking紙比佢；兼順到約埋Moly及阿Li到上環的懷舊酒家"蓮香居"晚飯。

呢間係中環聞名的蓮香樓姊妹舖，裝修取其神粹，扮舊而不是正舖的真舊，所以較闊落乾淨。

第一次黎，味道唔差，阿伯侍應service不錯，無加一，手工菜都唔係貴先真正可愛：

例湯(野葛菜煲瘦肉生魚)($55)；家鄉煎釀鯪魚($50)，整條鯪魚起肉打成魚膠再釀回魚皮內炸到香脆，功夫繁多都只係$50真係誇啦啦。
雲翠炒馬蹄($48)，肉很多的"酥炸軟殼蟹"($68)
肉厚開胃的"青檸筍殼魚"($98)，南乳粗齋煲($52)
好鬆軟既馬拉糕($12)，內有蛋黃綠豆蓉松子及糖冬瓜的"千層糕"($14)
送的甜品一點都唔欺場，海帶厚綠豆多而煲得化既綠豆沙

經過見到另一款懷舊功夫菜"金錢雞"(後，$52/8件)，和"古法鴨腳包"(前，$60/4件)；今次人少少食唔落，或者下星期五的廖太生日飯局可以再黎encore？