摯愛

同友人下午去睇戲，主要都係捧郭品超場。話晒都係台灣靚仔，除左佢九頭身（即頭同身比例係１比９............比開漂白水濃縮１０倍，哇哈哈）既身形有ｄ怪外，起碼我好好奇佢拍港產片掂唔掂。佢係鬥魚雖然唔夠藍正龍演得好，但起碼人地咁就一炮而紅。

全片我一共換左１０多次坐姿，可想套片有幾好睇。成套戲感覺好沉重，但完全交代唔到為左咪。如果導演馬偉豪係想催淚，咁真係佢既失敗之作。

唔知郭品超可否唔好再揀ｄ古惑仔角色黎做，同埋最尾都係唔知為乜而死。

不過值得一讚既係佢既廣東話，雖然對白唔太多，但發音好過任賢齊添。起碼言生拍魔幻廚房就做唔到；而家可能仲係講：大雞好！！

Download左鬥魚２成年都未睇，今年內真係要清一清佢。