兩個癲婆

同梁師奶食完晚飯後，去左屋企附近花園餐廳陪Annie & Carmen呢兩個癲婆，精神支持佢地撲F4演唱會飛。話說頭兩場本來Carmen表妹搭上搭識人囉到靚位，於是Annie便搭佢頭兩場每場20張。其實下星期開show，而家都仲未比到飛就夠奇怪。點知真係拖左Carmen兩星期，而家至話無。佢地估應該囉左出去炒就真!!

我去到簡直見到佢兩個好似炒燶股票生意失敗咁既款＠＠

兩個不停咁打電話，同人解釋，道歉，撲飛......

我諗佢地面前食緊咪野都無味。


無$480，唯有$250平飛都照殺啦。反正尾場都有$480，其他場數志在參與啫。見佢地咁down，真係唔好意思；明知佢地都唔想，都係義務但又攪到壓力咁大。

其實同３年前上次演唱會相比，好多人既熱情都淡左ｄ；雖然點都支持吓，但唔會太過緊張。所以你地都take it easy啦。

最緊要下星期大家一齊開開心心去睇４仔。