4/22 台北喪食之旅 - 到步篇

天有不測之風雲，Yahoo天氣真不可盡信。以為會落足4日雨，結果落機時真係比個藍天嚇親。

仍然住西門町東龍，奶奶face夠，比左間勁大既2xKing Size床，仲夠位加多張床既房我地。

一放低行李，呢個4日3夜喪食之旅就正式揭幕。

先去樓下隊杯渴左好耐既白玉苦瓜蜂蜜，然後一行5人浩浩蕩蕩坐捷運到忠孝敦化站。





見鼎泰豐要排隊，先去對面度小月整個擔仔麵+肉燥飯。個肚飽d至再去鼎泰豐食小籠包。香港既翡翠真係拍馬都比唔上，人地就係可以做到皮薄但唔易穿。度小月既肉燥夠比其他地濃味。

咁都未完架餐午飯，一不做二不休，再行兩個街口去天仁茗茶門市買杯凍人參烏龍茶燒滯。