烏烏Die-Hard粉絲

無錯!!唔係淨係言生至有死忠粉絲，我細細佬都有。

其實烏烏每次落街周不時都好多狂風浪蝶架啦，無論係幾歲行都未行得穩既塞豆靚，定係斯文OL我地都已經見怪不怪。

話說梁師奶樓下有個11-2歲既妹妹仔，對阿烏烏好搭糖。耐唔耐樓下見到都好似蟻漏蜜糖咁唔願走。尋日有見到梁師奶抱烏烏落街：

靚妹：Auntie呀，早兩日我響屋企電視度(指大廈lift的閉路電視)，咁岩見到你帶狗狗落街呀。我有d狗糧coupon，但唔知你住幾樓，唔知點比你呀。
(如果烏烏唔係一隻狗，我仲以為係金魚伯伯d屎橋!!)

師奶：其實烏烏食樓下姐姐賣既organic狗糧，呢d優惠券用唔著架。(再講左一陣organic狗糧同Pedigree/Caesar有乜唔同；但同個靚妹講呢d野會唔會有d徙氣？)

靚妹：咁我本雜誌仲有d狗玩具coupon架，我可以點比你呀？

於是梁師奶就講左住幾樓同屋企電話比人知喇。

真係同粉絲唔同命；之前有個西裝友一見到烏烏猛話可愛，不自覺出手摸完又摸。結果梁師奶費事個仔比人摸蝕晒，一句："你摸夠未呀？"