點解唔滅價錢牌？

平時留意到，好多街上行人著既鞋都留有好礙眼既白色價錢牌。初初以為係d內地同胞，至會有呢舖引；即好似有好多表叔特登唔剪西裝袖口label，以為show off"名牌"，其實娘爆既行為。

但連中環金鐘d靚靚OL，上自動電梯時對高跟鞋底都出賣左佢地。我真係覺得好難明，買對新鞋返黎，滅一滅個價錢牌徙你幾多時間？當你身光頸靚，婀娜多姿地踩住對尖頭3吋高跟鞋時，每一步都比後面所有人見到個勁顯眼白label，係幾咁殺風景既一件事？